Ekitaldia hiru zatitan egituratu zen, boluntarioen eta langileen arteko ikaskuntza eta bizikidetza sustatzeko. Lehen zatian, Marije Goikoetxea Giza Eskubideetan doktore eta Deustuko Unibertsitateko Etika eta Psikologia irakasleak prestakuntza-saio aberasgarria eskaini zuen, oso ikuspegi interesgarriarekin: "Autonomia indartuz eta lagun egitean identitate pertsonala errespetatuz". Bere hitzaldia boluntarioen iradokizunetan oinarritu zen, urte hasieran egindako gogobetetze-inkesta baten bidez bilduta. 

Bigarren zatian, urteetan zehar hartutako konpromisoagatik nabarmendu diren boluntarioak omendu ziren, bereziki Hurkoaren jarduera posible egiten hiru eta zortzi urte baino gehiago daramatzatenak. Azkenean, luntx batekin amaitu zen topaketa, bertaratutakoen artean une atsegin eta lasaia partekatzeko.

.